Калиопи ја промовираше новата песна – публиката веќе ја прогласи за хит
Песната, исполнета со емоции и со препознатливиот вокал на Калиопи, носи топлина и нежност, а веќе на прво слушање ги освојува срцата на публиката.
Македонската музичка дива Калиопи денес во Белград ја промовираше својата најнова песна со наслов „Добро вече и лаку ноќ“, која публиката и нејзините обожаватели веќе ја прогласија за нов музички хит.
Автор на музиката, текстот, аранжманот и продукцијата е Ромео Грил, нејзиниот поранешен сопруг и долгогодишен соработник со кого Калиопи повторно ја докажа својата препознатлива уметничка хемија.
Песната, исполнета со емоции и со препознатливиот вокал на Калиопи, носи топлина и нежност, а веќе на прво слушање ги освојува срцата на публиката.
Видеото за песната, кое го потпишува Александар Ристовски – Принц, визуелно ја надополнува приказната со елегантен и интимен израз, а достапно е на официјалниот Јутјуб канал на Калиопи.
Новата песна „Добро вече и лаку ноќ“ е достапна на сите дигитални платформи, а промоцијата доаѓа токму во пресрет на трите големи скопски концерти на Калиопи во Македонската филхармонија, кои ќе се случуваат на 14 ноември, 6 и 7 декември.
Advertisement
