Калиопи и нејзиниот поранешен сопруг со преубава вест – пристигнуваат честитки, сите ги изненади (видео)

Пејачката ги воодушеви сите на самиот крај од годината

Калиопи оваа година ќе ја памти по многу убави работи, а една од нив е секако и преполната сала Борис Трајковски за нејзиниот концерт.

Пејачката на почетокот од годината го издаде својот нов албум наречен „АЛБУМ“, кој го реализираше заедно со својот поранешен сопруг и долгогодишен соработник, Ромео Грил.

Инстаграм/ Калиопи Букле

Неколку месеци подоцна ги промовираа и четирите нови спотови со кои одбележаа 40 години соработка.

Инстаграм/ Калиопи Букле

Концерт на годината

Потоа следуваше нејзината турнеја низ Македонија која започна со концертите во Охрид и Битола, а заврши во салата „Борис Трајковски“ која беше полна до последно место, но исполнета и со многу емоции.

Овој настан дефинитивно може да биде прогласен и за концерт на годината, а како сето тоа изгледаше, потсетете се тука.

Принтскрин/ Јутуб

Понесена од сите овие убави работи што и се случуваа во изминатиот период, Калиопи за крајот на годината подготви уште едно вистинско изненадување за нејзината публика. Имено, таа го реализираше и седмиот спот за песна од новиот албум која се вика „Дај, дај ми, дај“, а која повторно ја работеше заедно со Ромео.

Инстаграм/ Калиопи Букле

Имено, текстот е на Калиопи, на Ромео – музиката и аранжманот, додека видеото е со потпис на продукцијата „Мелем“.

Па, погледнете го новиот спот на нашата музичка дива Калиопи со кој на сите им ги честита новогодишните и божиќните празници.