Калинката е една од најлековитите овошја. Древните Египјани биле погребувани со ова овошје бидејќи верувале дека таа симболизира надеж и нов живот, а на многу стари икони се забележува како Девица Марија и бебето Исус во раката држат калинка.
Таа изобилува со витамин Ц, неколку витамини Б, одличен е антиоксиданс, а со нејзино редовно консумирање ќе си го зајакнете имунитетот, ќе ја подобрите крвната слика, квалитетот на косата, кожата и ноктите. Се препорачува да консумирате барем една дневно, затоа што позитивно влијае на хормоните.
Ова „рајско овошје“, како што многумина го нарекуваат, се смета за еликсир на младоста, затоа што го спречува стареењето на кожата, одличен е за сува кожа, ја хидрира и ја обновува длабински, го намалува холестеролот, ги штити бубрезите, се бори против алергиите, шитити од срцеви заболувања, рак на простата, рак на дојка, го регулира метаболизмот и крвниот притисок.
Калинката можете да ја консумирате на различни начини, можете да си направите и овошна салата, да пиете сок од калинка и да ја користите како додаток во различни јадења.
