Жените Близнаци имаат младолик изглед, па во позрелите години слободно може да разменуваат облека со нивната ќерка.
Животниот стил на овие жени бара богата гардероба. Тие не можат два пати по ред да носат ист фустан. Имаат незаситна желба за нови работи, па секогаш ги следат модните парчиња кои се на попуст. Делот од телото кој најмногу го истакнуваат се нивните раце, кои дополнително ги нагласуваат со некој оригинален џемпер, а посебен акцент ставаат на необичните ракави. Повеќе сакаат синтетика од природен материјал. Сакаат жолта или флуоросцентни бои, за да бидат забележани.
Што се однесува до парфемите, овој хороскопски знак обожава квалитетни парфеми, што е од особено значење. Кога се шминкаат пак, кај овие жени доминираат и светлите и темните нијанси. Исто така типично за овие жени е тоа што честопати облеката ја одбираат според расположението, и не практикуваат многу модни додатоци. Она што не го пропуштаат е ташна и чевли за секоја прилика, при што ги имаат во изобилство, а повеќето не ги користат повеќе од еден пат.
Жените Близнаци по природа се шармантни, а речиси во секое време имаат некои додворувачи. Доколку можете да се справите со нивниот темпераментен карактер, тогаш дефинитивно до себе треба да имате жена Близнаци која ќе ви понуди безброј возвудливи авантури!
