Како Струга нема друга – идеална дестинација за крај  на летната сезона 

Иако топлите летни денови привршуваат, градот повеќе не „крцка“ од туристи, токму сега e совршениот период да ја посетите Струга и да уживате во убавините кој ги нуди овој град.  

За убав почеток на денот стружани препорачуваат појадок со чорба која може да ја најдете по струшките ресторани, потоа секако следува уживање и релаксирање на некоја од струшките плажи. Уште една предност да ја посетите Струга во овој период од годината е што плажите не се преополни, може да уживате во мирот и звуците на брановите од Охридското Езеро, а исто така може да уживате во кратка тура со кајче или катамаран по езерото. 

Потоа, следува ручек во некој од рестораните покрај Црн Дрим каде што може да го пробате и струшкиот специјалитет ѓомлезе.

Прошетка низ чаршијата и на кејот покрај реката Црн Дрим во вечерните часови е задолжителна, а доколку сте за забава може да посетите некој од локалните кафулиња.  

За да „вкусите“ мир и одмор Сруга е идеална дестинација за посета овој период од годината.  

Фотографии: Ана Петроска