На првиот вистински снег кој се задржува на површините најмногу се израдуваа децата, но и животните, како и оние коишто се уште го чуваат детето во себе.
Фотографии и видеа со снег се споделуваат од сите профили на социјалните мрежи, денеска сторињата се преплавени со снежна идила од сите краеви на Македонија. Фотографиите личат на преубави разгледници.
Секаде е убаво, бело и магично, вистинската зимска бајка ја отслика овој ден 12 јануари непосредно пред дочекот на Стара нова година.
Голема радост предизвика видеото што го споделија од Скопската зоолошка градина. На видеото тие покажуваат како слоницата Деала се радува на снегот. Таа се движи и прави стапалки по снежната покривка, со снегулките си игра со сурлата, преубаво видео.
Го споделуваме да внесеме радост во вашите срца. Еве како се радуваат животните на снегот.
