Главната фора е во тоа дека веднаш треба да станете свесни дека имате направено лош избор и нездравата храна почнува да ви се гади.
Доколку им верувате на научниците кои имаат направено бројни студии на тема слабеење, најдобар рецепт за губење на килограмите е многу едноставен, и многу лесно можете да се придржувате до него! Имено, тие дошле до заклучокот дека најефикасен начин за губење на килограмите е да јадете пред огледалото!
Тие низ нивните студии открија дека личности кои јадат нездрава и брза храна пред огледало помалку уживаат во нејзиниот вкус. Како што објаснуваат, тоа е затоа што станале свесни дека треба да се хранат со здрава храна, па им е непријатно да се гледаат како во телото внесуваа нездрави состојки. Од друга страна пак, оние кои за време на истражувањето пред огледало јаделе здрава храна, не забележале никаква разлика во вкусот.
Тестовите покажаа дека огледалото дава најдобри резултати кога личноста сама ќе го избере јадењето што ќе го јаде, бидејќи во тој случај чувствува одговорност за своите постапки, а во спротивно изборот на намирниците би го препишал на задачата и целта на истражувањето. „Погледот во огледалото на луѓето не им го открива само физичкиот изглед, туку многу повеќе. Им овозможува да се видат објективно и подобро да се проценат себеси и своите постапки“ вели главниот доктор во истражувањето Ата Јами од Универзитетот во Флорида. Затоа според него во просторијата во која што јадете треба што побрзо да ставите огледало.
