Како да симнете температура без лекови – „бабински“ трикови кои навистина делуваат

Доколку лекарот ви препорачал дека нема потреба од медикаментозен третман сè додека температурата не порасне, или пак, доколу земате лекови кои делуваат побавно, постојат и природни начини со кои можете да си помогнете.

Народната медицина со векови нуди решенија кои се покажале како ефикасни, а некои од нив се користат и денес за полесно намалување на телесната температура.

Еден од најпознатите народни лекови се чорапите со белки од јајце. Белката од јајце има ефект на ладење и може да ја намали температурата за околу половина час.

Две белки од јајца се матат со миксер околу една минута, се нанесуваат на платнена марама или тенка ткаенина и се ставаат на стапалата. Над нив се облекуваат суви чорапи, а кога облогата ќе се исуши, се заменува со нова.

Друг проверен домашен лек е облога од компир.

Старите генерации ја користеле оваа метода со рендан компир кој се става во чорапи или директно на челото, фиксиран со марама. Компирот ја впива топлината и помага во намалување на температурата.

Ајдучката трева, позната по своето поттикнување на потење, е исто така делотворна при покачена температура.

Една рамна лажица од сувата билка се прелева со врела вода, се поклопува и се остава десет минути, потоа се процедува и се пие. Доволни се една до две шолји додека да започне потењето.

Корисна е и облога со јаболков оцет. Мал пешкир се натопува во мешавина од еден дел јаболков оцет и два дела ладна вода, се исцедува и се става на челото.

Кога ќе се загрее, облогата се заменува со нова натопена ткаенина. Процедурата се повторува додека температурата се стабилизира.

Напоменауваме дека пред да примените некои од овие природни методи на симнување на температура, задолжително консултирајте се со својот лекар.