Како да се соочите со стресот и емоциите и како да го победите стравот по поплавите!
Намалување на стресот треба да ви биде приоритет
По трауматичните случувања сите чувствуваме стрес. Одредено количество на стрес е нормално, но премногу стрес може да ви застане на патот на закрепнувањето. Затоа запомнете дека е неопходно да се опуштите, и дека тоа не е луксуз за вас во овие моменти. Одморот и опуштањето ќе ви помогне во вашето ментално и физичко здравје.
Проблемите со спиењето се едни од најчестите последици при вакви ситуации. Грижите и стравовите знаат да ве држат будни. Затоа обидете се некои стратегии како би го вратиле здравиот сон.
Помогнете им на вашите деца да се носат со стресот
По ваквите катастрофи на децата им е потребна посебна грижа и поддршка. Обидете се вашето дете да се ослободи и да може да ве праша за се што го интересира и како со вас да ги сподели неговите чувства. Важно е да бидете искрен со нив, но и информациите да бидат прилагодени на нивната возраст. Не треба да зборувате дека се е во ред ако не е така и не давајте ветувања кои не можете да ги исполнете.
