Совети на Виктор Мирчевски – како да се подмладите со помош на шминка

Познатиот македонски шминкер Виктор Мирчевски нé учи како да постигнеме ефект на лифтинг со помош на шминка.

Тој во неговото второ видео направено во соработка со Еликсир Ексклузив Парфимерии не учи на трикови за шминка со кој дамите во позрели години ќе изгледаат многу помладо. Производите за шминка од Yves Saint Laurent и Lancôme што Виктор ги користеше и ги претстави на моделот Елизабета Леитнер можете да ги видите на крајот од видеото.

Пред да започнете со основата користете хидратантна бела козметика и пудра со хидратантна формула за добра покриеност. Пудрата можете да ја стоплите во шолја со чај над којашто ставате тацна, како што тоа го прави Виктор во видеото. „Не треба да претерате со количината, туку важно е да го изедначите тенот. Внимавајте со коректорите. Крем коректорите се собираат, па затоа користете течен и нанесете го само онаму каде што е неопходно. Јаболчиците ги обликуваме со мат камена пудра или нијанса потемна течна пудра што се нанесува по коската на вилицата. Не треба да бидете премногу дарежливи со пудрата во прав. Со прстите нежно нанесете под очите, бидејќи така ќе се осигурате дека ќе ставите само онолку колку што е потребно. И не заборавајте – добро извитканите трепки, како и полните веѓи даваат младешки изглед“ вели Виктор.

Па, доколку сакате да научите како да направите шминка со лифтинг ефект, најдобро е да го погледнете видеото кое ви е дадено во продолжение.

{youtube}sFEMdl4RkOQ{/youtube}

Посети го Инстаграм профилот на Виктор тука »
Viktor Make-up »