„Како да се отворија вратите на пеколот“ – младенците играа и одеднаш пожар што голта сѐ пред себе (Видео)
И оваа трагедија го отвори прашањето за безбедносните пропусти и користењето на пиротехнички ефекти во затворени простории, кои и во минатото биле причина за катастрофални пожари.
Трагедијата со неизмерни размери која се случи во Кочани, поттикна да се потсетиме и на други трагедии кои се случиле на големи забави или веселби, поради пожари предизвикани од пиротехнички ефекти.
На 27 септември 2023 година, најмалку 100 луѓе загинаа, а над 150 беа повредени во разорен пожар што избувна за време на свадбена прослава во најголемиот христијански град во Ирак – Каракош, во провинцијата Нинива.
Iraq- At least 100 people have died and 150 others injured after a fire broke out at a wedding in northern Iraq🥲
Early reports say it broke out after fireworks were lit.-BBC #IraqWeddingFire #Pray #RIP 🙏pic.twitter.com/FR7IjelZji— Sri Lanka Tweet 🇱🇰 (@SriLankaTweet) September 27, 2023
Трагедијата се случила доцна во вечерта на 27 септември 2023 година, кога стотици гости славеле во свечена сала во Ал Хамданија. Пожарот бил предизвикан од пиротехнички ефекти, запалени во моментот кога младоженците го играле својот прв танц.
Огнот се проширил за само неколку секунди, откако таванската конструкција се запалила и се урнала врз гостите.
Video shows the moment fire broke out in a weeding in Hamdaniyah
110 dead including bride and groom
550 injured #Iraq #Hamdaniyah #Fire pic.twitter.com/y3k4aiRvbM
— North X (@__NorthX) September 27, 2023
19-годишниот Гали Насим, кој бил на неколку метри од салата, раскажуваше тогаш за хаосот и паниката што настанале:
„Едната врата беше блокирана, ја отворивме на сила. Од ходникот излезе огромен пламен. Како да се отворија вратите на пеколот“, сведочеше тој за Би-Би-Си.
„Температурата беше неподнослива. Не можам да ја опишам таа жештина“.
Првичните извештаи на ирачките медиуми наведуваа дека младоженците загинале во пожарот, но според подоцнежни информации на новинската агенција NINA, тие сепак преживеале, но со тешки изгореници и биле хоспитализирани.
Снимките од безбедносните камери и видеата што кружат на социјалните мрежи го прикажуваат моментот кога младоженците со насмевка го играат својот прв танц, а потоа со ужас гледаат како пламенот брзо се шири низ салата. Делови од таванот почнуваат да паѓаат врз гостите, предизвикувајќи паника и стампедо.
Првично беа потврдени 113 жртви, но подоцна бројот на жртви се зголеми, а повредени беа околу петстотини лица.
🚨 BREAKING: More than 500 injured, 100 killed in wedding hall fire in Iraq. pic.twitter.com/GnHCXjtehG
— {Matt} $XRPatriot (@matttttt187) September 27, 2023
Сцените од местото на несреќата се застрашувачки и тревожат до денешен ден – десетици пожарникари се бореле со огнот, а фотографиите од локалните медиуми покажуваа изгорени остатоци од свечената сала.
И оваа трагедија го отвори прашањето за безбедносните пропусти и користењето на пиротехнички ефекти во затворени простории, кои и во минатото биле причина за катастрофални пожари.
