Жените и не се баш толку многу комплицирани како што мислат некои, особено не кога е во прашање доброто расположение.
Токму затоа, драги мажи кои што сте на оваа жица, обидете се да направите нешто од ова и тоа сигурно ќе влијае позитивно на вашата сакана.
Снимете аудио порака
Доколку треба да ни испратите порака, направете го тоа наместо на стандарден начин, со аудиопорака. Тоа ќе не насмее и ќе ни го развесели целиот ден. Направете го тоа и доколку немате некоја важна потреба да испратите порака. Вашето внимание ќе биде наградено.
Играјте таинствено
Жените ги сакаат таинствените нешта, осебено кога тие доаѓаат од личноста која што ја сакаат. Затоа засукајте ги ракавите и обидете се да ни го украдете мобилниот телефон. Потоа наместете го алармот во некое време кога нема да бидете заедно со вашата партнерка, нека ѕвони и нека пишува нешто интересно. Еве, нека биде тоа пофалба за нејзината убавина или за тоа колку сте среќни што имате таква девојка покрај вас.
Испратете цвеќе
Нема жена која што не се радува на букет цвеќе. Но зошто тоа да биде само на денот кога се очекува од вас да купите цвеќе. Направете го тоа во било кое време, испратете и цвеќе дома или на работа. Вашата партнерка ќе се чувствува прекрасно и никогаш нема да ви го заборави тоа.
Слатките зборови железни порти отвараат
Секоја жена ужива во комплименти, па затоа не бидете штедливи на зборови. Пофалете го изгледот на вашата сакана, речете и дека одлично мириса, дека има прекрасна линија. Верувајте, нема полесен начин да предизвикате насмевка на нејзиното лице од ова. Пробајте! Нема да зажалите.
Предупредување:
Доколку ова не го правите често, тогаш НЕ правете ги сите овие работи одеднаш, бидејќи тоа може да има сосема спротивен ефект. Вашата сакана ќе помисли дека нешто сте и згрешиле, дека не ви е чиста совеста, а не дека сте добиле позитивна вибрација читајќи ја Штипка.
