Како да препознаете дали во црешите има црви? Со овој трик никогаш нема да згрешите

Црешите – зрели, слатки и мирисни – се неразделен дел од летото. Иако се омилено сезонско овошје, понекогаш може да се случи во нив да се појави бел црв. Тоа често ги одвраќа луѓето од консумација, особено ако не знаат како да проверат дали плодовите се чисти.

Белите црви кои се појавуваат во зрелите цреши се ларви на овошна мушичка позната како Rhagoletis cerasi. Женките од оваа мушичка ги полагаат своите јајца во младиот плод, а ларвите потоа се развиваат внатре, хранeјќи се со месото на овошјето.

Првиот знак дека во црешите може да има црви се малите дупчиња на кората. Тие најчесто укажуваат на тоа дека ларвата или влегла или излегла од внатрешноста.

Промена во бојата на плодот, како и кафеави нијанси или невообичаена мекост, исто така можат да бидат сигнали дека нешто се случува внатре.

При сечење, често се забележуваат тунели или шуплини во месото, кои се создадени од движењето на ларвата. Понекогаш црешата има и слабокиселкаст мирис, што е резултат на микробиолошки промени поради активноста на црвот.

За да се отстранат црвите, самото миење под вода не е доволно. Најефикасен начин е потопување на црешите во ладна вода, така што целосно да бидат прекриени.

Во водата се додава една до две лажици сол и се оставаат да стојат околу 15 до 20 минути. Потоа нежно се промешуваат. Ларвите, ако ги има, ќе излезат и ќе испливаат на површината.

Потоа, црешите се плакнат со чиста вода.

Алтернативно, наместо сол може да се употреби оцет. Во студена вода се додаваат неколку лажици јаболков или вински оцет, а постапката е иста – потопување, чекање, мешање и плакнење.

Овој процес не го менува вкусот на овошјето, а овозможува мирно и безбедно уживање во црешите. Тие се богат извор на витамин Ц и антиоксиданси, и вреди да се вложи мал труд за да се консумираат со големо задоволство.