Панталони или фустан? А што велите за фустан врз панталони? Дали ви звучи ова како предизвик кој би сакале да го пробате?
Доколку не можете да одлучите дали да носите панталони или фустан, не заборавајте дека модните стилисти за оваа сезона препорачуваат да пробате да ги носите и двете парчиња одеднаш.
Слоевитото облекување секогаш е во тренд, особено кога станува збор за студени и променливи денови кога ви се потребни повеќе парчиња облека за да се прилагодите на ниските температури. Па, доколку не сакате да носите досадни и монотнони комбинации, обидете се да ги комбинирате вашите омилени фармерки со фустан кој ќе го носите преку нив. Комбинирајте со дебел плетен елек или кожена јакна, а доколку сакате шик и смел изглед, обидете се со лежерен фустан со цветен дезен кој сте заборавиле да го носите преку летниот период. Едноставно пробајте, и доколку го вклопите во некоја комбианција – зошто да не пробате, нели?
Од бохо и рок стилот, па се до романтичарските комбинации, комбинациите со овие две на прв поглед неспоиви парчиња ќе резултира со одличен изглед со кој нема да можете да поминете незабележано. Погледнете!
Но, доколку сте зимурлива, наш предлог за оваа зима е да пробата да носите ролка врз плетен фустан-џемпер и комбинацијата да ја заокружите со волнен овер-сајз капут, еден пар оксфордки и панталони.
Па што велите за овој тренд? Звучи откачено и вреди да се проба, нели?
| види повеќе » |
Доколку сакате да видите повеќе комбинации како да носите фустани врз фармерки или панталони отворете ја галеријата или кликнете тука.
