Покрај тоа што изгледаат крајно симпатично, тие се парче облека кое што сите го имаме во нашите плакари во некаква варијанта, а најубавото од сé е тоа што модните дизајнери постојано се навраќаат на старите добри тексасни здолништа така што тие постојано се во мода!
Можете да ги носите кога одите на ручек, вечера, на работа, преку викенд, на прошетка во парк… едноставно ова парче облека е одличен избор за најразлични ситуации и токму затоа ве советуваме да имате барем еден или два модели во вашите плакари.
A како да го носиме?
Доколку станува збор за комбинација што ќе ја носите на работа, тогаш најдобро е неформалното тексасно здолниште да го балансирате со сако и соодветна блуза или кошула, чанта во неутрална боја и салонки со шпицест врв.
За вечерни комбинации обидете се со кошули од потенки материјали, без ракави, мала плико чанта и високи потпетици. За дневни, лежерни комбинации обидете се со бела кошула и чевли на платформа, додека за преку викенд ве советуваме да пробате со блуза или маица на риги и балетанки.
| ОТВОРИ ГАЛЕРИЈА » |
