Сите носат карирано.. повторно!

Нова зимска сезона, а трендовите како да се.. стари! Но и еден сосема нов и креативен начин како да ги носиме истите!

Поминаа многу години кога Аксел Роуз носеше тартан кошула врзана околу неговата половина и кога карираниот дезен беше задолжителен за сите, без разлика дали стануваше збор за машки или женски плакар. 20-на години претходно, карираното беше и еден од типичните панкерски елементи, кога заедно со ланците, кожените панталони и тесните фармерки беа апсолутен „must-have“ за секој вистински панкер кој својот бунт го искажуваше и преку облеката.

И по толку поминати сезони, лудите 90-ти повторно владеат со колекциите, па сигурни сме дека во вашиот плакар веќе имате барем еден модел на карирана кошула која оваа сезона можете со задоволство да ја носите.

Кликнете на линкот (или ТУКА) и погледнете како би можеле да го правите тоа во овие студени зимски денови.

Карираното се враќа во мода

Тоа што некогаш беше Аксел, денес е Ријана

Сите што ги сакаат шкотските шари оваа сезона ќе можат да си ги исполнат своите желби, бидејќи карираното повторно влегува низ голема врата.

Па така, оваа зима слободно ќе можете да се играте со карирани парчиња, бидејќи низ дуќаните веќе врие од ваквите „карирани“ модели! Доколку се уште не сте го забележале тоа, доволно е само да се прошетате низ некоја улица со бутици и се ќе ви стане јасно. Годинава девојките ќе носат шкотски фустанчиња како никогаш досега, а машките ќе пијат шкотско виски! Да живее модната револуција! Да живеат Шкотланѓаните!

Да живеат и убавите Македонки и нивните панкерски шари!