Прво, земете предвид дека најуспешно ќе биде ако подготвите традиционална италијанска пица, каква што се прави низ целиот свет, па и во нашите реномирани пицерии/ресторани.
Постојат неколку важни детали, кои ќе ги споделиме со вас.
Најважно е брашното – мора да биде многу фино мелено и со висока содржина на протеини. Ова е клучно за да се активира квасецот, тестото да остане тенко, а кората да биде воздушеста, со меурчиња и крцкава. Брашното треба да содржи барем 13% протеини, но идеално е 15%.
Затоа, читајте на етикетите на брашната колку протеини содржи и одберето го она со највисок процент на протеини.
Второ важно правило е дека тестото не треба да се меси подолго од 15 минути – така не дозволува квасецот да почне да дејствува предвреме.
Третото правило е – откако ќе биде подготвено, тестото се става во фрижидер на 2-3 часа. Потоа се формираат топчиња и повторно се враќаат во фрижидер. Таму тие полека набабруваат – квасецот дејствува, а колку повеќе протеини има брашното, толку подобро се одвива процесот.
Со тек на време, се создава силна врска меѓу брашното и водата, па тестото станува еластично, не се кине и лесно се развлекува.
Може да се остави во фрижидер преку ноќ или дури 24 часа. Благодарение на високата содржина на протеини, може да се остави во фрижидер дури 48 часа како што прават врвните пица-мајстори. Резултатот е неверојатно лесна, крцкава и порозна пица.
Состојки за тестото:
Брашно – 1 кг
Вода – 550 гр
Квасец – 13 гр
Сол – 7 гр
Маслиново масло – 70 гр
Пицата се пече 10-12 минути на претходно загреана рерна на 330°C.
Што се однесува до филовите – можностите се бесконечни!
Проверено е успешна!
