Позната шминкерка ни откри како да се нашминкаме како Амал Клуни

Познатата американска мејкап артистка Шарлот Тилбури ни откри неколку трикови со кои се послужи за да ја нашминка Амал Клуни за овогодинешната Мет гала забава.

Тибури е една од најбараните мејкап артистки меѓу холивудските дами, а воедно е и сопственичка на луксузен козметички бренд кој го носи нејзиното име. Таа на нејзиниот профил на Инстаграм каде што ја следат преку 1.8 милиони луѓе од целиот свет детално објасни како да го постигнеме изгледот од Мет гала на познатата адвокатка за човекови права. Таа ги опиша сите производи што ги користеше, па дури и нивната цена (околу 450 фунти).

Мазниот и сјаен изглед на кожата го постигна користејќи дури шест производи што вклучува два основни пудра во посветла и потемна нијанса, три камени пудра и бронзер. Од друга страна и големите кафеави очи на Амал ги нагласи исто така користејќи шест производи. Најпрво со подлога која е основа на секоја добра шминка, па потоа со сенки.

Од палетата избирала „nude“ нијанси, а потоа додала сјај во златни нијанси и на крај со кафеаво моливче извлече мачкест look, а со црна маскара ги нагласи трепките.

https://www.instagram.com/p/BifmwkxB-I2/?utm_source=ig_embed

Бидејќи госпоѓа Клуни има густи црни веѓи, Шарлот само ги исчешла со специјален чешел за веѓи и залижа со гел како би го задржале вистинскиот облик.

https://www.instagram.com/p/BifqVb6hVbX/?utm_source=ig_embed

Гламурозен финиш постигна со впечатлив црвен кармин и молив во иста нијанса.