Брзите диети не се препорачуваат бидејќи губењето на поголем број килограми за кратко време претставува голем стрес за организмот, а брзо изгубените килограми обично и брзо се враќаат.
Сепак, бројот на килограмите кои можат да се загубат за еден месец без да го загрозите здравјето зависи од повеќе фактори како староста, полот и вишокот килограми. Ако имате изразен вишок на килограми оваа диета ќе ви помогне да ослабите без поголеми ограничувања и гладување. Прочитајте го планот како да дојдете до саканата цел.
Вообичаено се смета дека неделно може да се слабее од 450-900 гр. без негативни последици по здравјето, така што ако планирате да ја спроведете оваа диета, најдобро е претходно да се посоветувате со вашиот лекар. Планот за исхрана се состои од мали оброци со ограничен број на калории и за негова реализација ќе ви биде потребна силна волја и дисциплина.
Исхраната се состои од мали количини житарки и здрави масти, како и млечни производи со мала количина маснотии, и големи количини овошје и зеленчук. Треба да јадете на четири часа за да го поттикнете метаболизмот и да ја избегнете опасноста од прејадување.
План за исхрана
Појадок
Појадокот се смета за најважен оброк во текот на денот кој треба да содржи јаглени хидрати кои бавно согоруваат и протеини кои ќе ви обезбедат енергија во текот на денот. Неколку примери:
1. Омлет од белки со зеленчук и парче тост од интегрални житарки и половина банана.
2. Неколку мали палачинки од интегрално брашно со бобинки и јогурт со ниска масленост.
3. Корнфлекс од интегрални житарки со млеко со ниска масленост и бобинки и едно тврдо варено јајце.
Ужина по појадокот
Ужината по појадокот треба да го одржува нивото на енергија и да ве одржува сити до ручекот. Најдобра опција е овошјето кое содржи природни јаглехидрати и шеќери. Освен овошјето можете да изедете и малку сирење, тврдо варено јајце и јогурт со ниска масленост. Важно е да јадете нешто различно од појадокот.
Ручек
Ручекот треба да биде лесен, но сепак да ве одржува сити и да спречи прејадување за вечерата. Одлична опција се мали сендвичи или бистра супа. Сендвичот треба да биде од интегрален леб, свеж зеленчук и немасно месо како пилешко, мисиркино, лосос на жар и сл. Можете да додадете зелена салата. Заборавете на мајонезот и другите додатоци.
Попладневна ужина
За попладневна ужина се препорачува да јадете свеж зеленчук како морков, целер, домат и сл. со хумус како сос. Ако чувствувате глад, додадете и десетина јаткасти плодови како бадеми, ореви, лешници …
Вечера
Вечерата не треба да содржи никакви јаглехидрати, туку треба да се состои од протеини како риба или бело месо и многу зеленчук. Јаглехидратите во форма на интегрални житарки треба да се јадат само за појадок и ручек.
Десерт
Десертот треба да содржи најмногу 100 калории. Задржете се на овошје и јогурт со ниска масленост, а заборавете на колачи, шеќер и газирани сокови.
