Како да ги прикриете проблематичните делови на вашето тело
Како да ги намалите колковите?
Широките полни колкови се болна точка за многу жени која им предизвикува нервози од пубертетот па наваму. Следниве трикови ќе ви помогнат визуелно да ги намалите колковите иу да го ублажите обликот на круша на вашето тело.
Здолништа: широките колкови ќе ги прекриете со пополни здолништа до под колената. Избегнувајте тесни здолништа со висок струк и избирајте здолништа со А-линија или здолништа со нагласени рабови.
Панталони: барајте пополни панталони со широки ногавици и избегнувајте ги таканаречените три-четврти панталони.
Фустани: добро дефинирана половина и поширок, полн, долен дел ќе ги прикрие широките колкови, додека горниот дел треба да биде во форма на корсет без прерамки или со ве-израз за да го одвлече вниманието од долниот дел.
Палта: избегнувајте кратки и тесни палта кои ги истакнуваат колковите и задникот и придржувајте се кон подолги палта кои ги прикриваат колковите.
Горни делови: кога можете носете горен дел што се врзува околу вратот или со рамен отвор, за рамениците да ви изгледаат пошироки. Се препорачуваат и џемпери со вертикални линии. Избегнувајте тесни и припиени горни делови.
