За жал, веќе многумина од нас се зависни од технологијата, а посебно од мобилниот телефон кој никогаш не го испуштаме од рацете. Секоја средба поминува со држење на телефонот и листање на социјалните мрежи.
Колку често ви се случило да се дговорите со вашето друштво да излезете, но еден член од екипата секогаш е сконцентриран на својот телефон, наместо на пријателите и на зборувањето. Дури и вие да немате таква пракса, сигурно познавате некоја ваква личнсот во вашата околина. Во денешното време животот без технологијата е незамислив, но сепак, мораме некаде да ставиме граница.
Дали вие би можеле да се замислите еден ден без вашиот телефон? Или пак само неколку часа? Измислено е решение со помош на кое мобилните нема да бидат проблем. Тоа решение се нарекува „кафез“ за мобилни телефони, а наликува на ќелија во која може да го ставите телефонот и да го заклучите. За да ви биде полесно, а воедно и поинтересно, можете да си дадете временски период во кој вашиот мобилен мора да биде заклучен.
Зачувајте ги спомените од реалниот свет и бидете присутни помеѓу луѓето. Некои моменти никогаш не се поврторуваат, а некои луѓе никогаш не се враќаат. Правете вистински спомени и обидете се да се оттргнете од технологијата која не’ заробува во денешно време. Користете ја во разумни граници!
