Јован од Охрид со триумф во Малта – македонското знаме се вееше на победничкиот трон! (видео)
Македонија деновиве доби нов меѓународен успех во светот на убавината, откако охриѓанецот и етаблиран стилист Јован Кароски го освои првото место на престижниот „Malta Hair and Beauty Festival 2025“, натпревар кој оваа година собра учесници од повеќе од 20 европски држави.
Кароски доминираше во категоријата „Red Carpet“, каде со својата креативна и технички беспрекорна изработка успеа да се издвојува меѓу силната конкуренција.
Неговата работа ја доби највисоката оценка од стручното жири, што му ја донесе главната фестивалска титула и го постави на победничкиот трон под македонското знаме. Покрај врвната награда, Кароски забележа и дополнителен успех со освоеното второ место во категоријата шминка, што уште еднаш ја потврди неговата разновидност и авторитет во професионалниот свет на убавината.
Со овие две високи признанија, младиот стилист ја зајакнува својата меѓународна репутација и ја позиционира Македонија како земја со талентирани професионалци во сферите на шминката, фризурата и естетиката. Неговата кариера продолжува да се развива и надвор од границите на земјата, оставајќи впечатлив печат на европските сцени.
Целото видео од прогласувањето на победникот и кревањето на македонското знаме може да го проследите на овој линк.
