Џенифер Анистон и во вакво обично издание изгледа одлично

Таа многу експериментира со провокативните стилови

Џенифер Анистон во моментов е во Њујорк заедно со својот сопруг Џастин Теру. Со насмевка на лицето 48 годишната Џенифер беше забележана како го напушта хотелот во безгрешно дневно издание составено од една најобична бела маица, фармерки и едноставни бели патики.

Миленичката на Холивуд со години не се откажува од својот препознатлив стил, не експериментира со трендовите, кроевите и боите, а нејзините појавувања на црвениот килим, иако секогаш се до некаде предвидливи, редовно и го обезбедуваат местото меѓу најдобро облечените ѕвезди. Но таа најдобро се чувствува во удобни фармерки со рамен крој иако овој пат одлучи да се прошета во boyfriend модел со големи отвори на колената и кои се со потписот на брендот Grlfrnd. Доза сексапил постигна со тесната бела маица под која не носеше градник, а додатоците како кафеавата чанта, сламениот шешир, очилата за сонце и огрлица со тиркизен приврзок дадоа посебен печат во ова едноставно дневно издание.