Исплива стара фотографија од младоста на Џамбазов – девојките го обожаваа, посебно овие неколку
Еве како изгледаше познатиот актер пред 40 години
Нашиот познат актер Игор Џамбазов од мали нозе ја има започнато својата кариера, а досега сме го гледале во бројни улоги.
Но денес малкумина се сеќаваат на една серија која се снимаше во 80-тите години и која беше многу популарна во Македонија.
Станува збор за серијата „Девојките на Марко“ во која Џамбазов ја играше главната улога во своите 20-ти години.
Инстаграм/ Игор Џамбазов
Џамбазов во тоа време бил еден од нашите најбараните млади актери, а во текот на својата уметничка кариера неколку пати ќе биде прогласуван и за Најпопуларното ТВ лице во Македонија.
Неговата прва улога е во серијата „Волшебното самарче“ каде го глумеше Трајче, една од главните улоги во популарната детска серија.
Принтскрин/ Јутуб
Џамбазов во младоста
На социјалната мрежа Инстаграм Џамбазов неодамна сподели една фотографија од неговата младост, а на која е со екипата од култната детска серија „Девојките на Марко“.
Инстаграм/ Игор Џамбазов
Многумина беа воодушевени од оваа објава на Џамбазов, а кај некои предизвика и носталгија за некогашните времиња.
„Ова е дел од актерската екипа на ТВ серијата ‘Девојките на Марко’, снимена во 1986 година“, напиша Џамбазов под фотографијата.
Инстаграм/ Игор Џамбазов
Најголемиот шоумен и „овердоуз“ од блуз
Потсетуваме, Џамбазов покрај својата плодна актерска кариера има напишано и неколку генијални книги (Тоа сум јас, Гол човек, Прирачник за Анти Антиалкохоличари, Приказни од Мјаукедонија, Облечен човек, Умрен Човек, Улица Диши длабоко), а долго време беше и еден од омилените ТВ водители така што потполно заслужено и денес го носи епитетот најдобриот македонски шоумен.
Тој пред две години одбележа и 30 години соработка со Гуру Харе, а многу нивни песни и денес се големи хитови.
Нивното пријателство датира некаде од времето кога Игор ја снимал серијата „Девојките на Марко“, односно од крајот на 80-тите, а по неколку години ќе започнат да соработуваат и на музички план.
„Со мојот Гуру се запознавме некаде 1989-90 година. Тој настапуваше по клубовите со момците од „Банкрот блуз бенд“, а јас сам со гитарата ги свирев најголемите хитови на балканскиот рокенрол“, изјави Игор во една пригода, па го додаде и следново:
Некоја година подоцна настапивме на истиот „Макфест“, тие со „Моја гитаро“, јас со „Време за плачење“, и тука некаде тргна дружбата која круниса со негово гостување на мојот прв албум, каде што отсвири соло за мојот прв блуз што се осмелив да го објавам. „Тие“. И ден денес со радост ја свириме. А текстот е како вчера да сум го напишал. И така почнавме. Ја направивме и „Да си жив и здрав, па Спиро блуз…создадовме бенд и почнавме со концерти. И така 30 години…, откри Џамбазов во една ригода за Гламур магазин.
Целото интервју со Џамбазов прочитајте го тука…
