Есента стигна а со тоа и омилените костени. За да ги испечете костените не ви е потребна голема мудрост, но сепак, многумина избегнуваат да го прават тоа во нивниот дом, затоа што им се чини дека има премногу работа.
Но, вистината е дека тоа е многу лесно. За почеток потребни ви се свежи костени и еден нож. Но, не било каков! За да не се исечете, земете остар нож за леб, кој не е мазен. Секој костен исечете го по ширина, сѐ додека лушпата не се одвои добро. Потоа ставете ги во сад, додајте вода и малку сол. Оставете да зовријат, а потоа извадете ги од вода, ставете ги во тавче и ставете ги во рерна загреана на 220 степени, околу 15 минути.
Откако ќе бидат готови, ставете ги во друг сад, прекријте ги со крпа и оставете ги да постојат 5 минути. Ова ќе ви го олесни чистењето.
