Начинот на исхрана после вежбањето е еден од најважните елементи во исхраната која се базира на одреден режим.
Вашата цел е пo тренингот да поттикнете анаболички процес, односно изградба на мускулите со внесување на неопходните прехранливи материи.
Прво нешто кое треба да го направите е непосредно по тренингот да го зголемите нивото на гликоген во крвта. После тренингот, тој паѓа, поради што телото почнува да ја зема енергијата од мускулите. А да го спречиме тоа, треба што побргу да се пополнат резервите на гликоген.
Многу брз ефект се постигнува со медот! Медот се апсорбира во телото многу бргу и ги пополнува резервите на енергија. Доволни се ви две лажици, додека долгорочно надополнување се остварува со јаглехидрати.
Квалитетни јаглехидрати се клучни во ’заздравувањето‘ и обновувањето на мускулите по добар тренинг. Тие го поттикнуваат создавањето на инсулин, кој заедно со хормонот за растење и тестостеронот се клучни за обнова на ткивото на мускулите.
По самиот тренинг се препорачува да се земе 1 до 1.5 грам јаглехидрати на 1 килограм телесна тежина. Значи, на 80 кг. тежина потребни се од 80 до 120 грама јаглехидрати. Непосредно после тренинг, процесот на протеинска синтеза, која ја овозможува градбата на мускулите, е драстично забрзана.
Во тој временски период, телото може максимално да ги искористи нутритивните вредности, внесени преку храната. А кога ќе се земе в предвид дека класичните протеински намирници како белото месо, туната или посното сирење, не реагираат така бргу. Затоа најдобро е да се испие протеински шејк, кој ќе ги задоволи потребите на организмот за протеини во тој период. Во зависност од телесната маса, просечно се консумира од 30 до 50 грама протеини.
Рехидрацијата е подеднакво важна, како и внесувањето на квалитетни нутрити. Имено, пиењето вода во текот и после тренингот, ја надоместува изгубената течност преку потењето и ја забрзува испораката на кислород и хранливи материи по пат на крвотокот во мускулите. Недостатокот од вода во организмот предизвикува недостаток од сила за вежбање.
Витамините и минералите се исто така пресудни за регенерација на вашето тело. Посебно витамините Ц и Е, кои имаат својство на антиоксиданси, затоа што на себе ги врзуваат слободните радикали, односно го чистат организмот од отпадните материи.
А за да ефектот биде комплетен, после тренинг, додека мускулите се се уште загреани, се препорачува да се истегнете добро, а после оброкот, одморете и на тој начин дозволете му на телото во целост да се регенерира.
