Десет прашања и одговори со нашиот модел Саша Петковски
Прочитајте ги десетте кратки прашања и одговори со атрактивниот македонски модел Саша Петковски …
Како започна твојата приказна со манекенството и модата?
Во овие води навлегов пред година дена, а кога ми се роди идејата, го контактирав мојот сегашен менаџер Алек Наумовски… и почнав со работа!
Кое беше твоето „крштевање“ во светот на модата и опиши го накратко твојот прв ангажман?
Првиот контакт всушност беше и кога почнав да работам. Тоа беше воедно и мојот прв ангажман за Модната недела во Скопје, каде беше многу интересно и кога одлучив да го правам тоа.
Кој ти бил најтежок кастинг досега?
Тешки кастинзи во принцип сум немал затоа што сите кастинзи на кои сум бил досега претставуваат вистински предизвик за мене.
Те видовме на Fashion Weekend Skopje, кажи ни нешто повеќе за ова твое модно доживување…
Ревиите искрено ми се најинтересен дел во мојата работа иако се најслабо платени. Сум носел повеќе брендови и сето тоа беше едно големо искуство за мојата понатамошна работа со модата.
Кој сегмент од модата најмногу те влече и инспирира?
Дефинитивно класика …
Како помина на снимањењето на Евровизискиот спот „To the Sky“ со Тијана? На снимањето на спотот запознав доста интересни луѓе со кои навистина ми беше големо задоволство да работам.
Каде се гледаш себеси за 10 години?
Милано …
Кажи ни нешто повеќе за себе си? Па не би сакал сам себе да се опишувам, туку ќе го оставам тоа на оние што ме познаваат. :)
A каков е Саша приватно?
Приватно сум опуштен. Сакам да запознавам луѓе, дружење, интеракција, многу сакам да анализирам…
Што им препорачуваш на читателите на Штипка?
Оставете ги сите грижи на страна и читајте Штишка!
