Совршена летна шминка: Генијални идеи што треба да ги позајмите од славните девојки
Оваа сезона мејкап трендовите се пошарени од кога и да било, а во продолжение ви прикажуваме неколку идеи кои слободно можеме да ги ископираме од познатите девојки.
Светлите бои оваа сезона ќе ги видиме секаде: На очите, усните, образите, па дури и на трепките! Класичните „зачадени очи“ обојте ги во чеочекувана палета боја и нагласете ја својата убавина со нијанси кои најдобро прилегаат на вашата боја на очи и косата.
Шарената палета на сенки, маскара во боја и руменила во неочекувани нијанси лесно ќе ги пронајдете во најновите колекции на сите познати козметички брендови и тоа по различни цени, па немате оправдување за да го прескокнете овој тренд!
Како одлична инспирација може да ви послужат славните дами кои веќе се впуштија во овие води, а меѓу нив се Ријана, Кајли Џенер, Ким Кардашијан и бројни други влијателни ѕвезди кои веќе со години наназад успешно ги диктираат трендовите.
