Неколку идеи за украсување на велигденските јајца без да употребувате уметнички бои
Со цел оваа година да бидете малку покреативни, но и поразлични од останатите, денес ви прикажуваме три едноставни идеи во кои посебно ќе уживате вие, но и вашите најмали.
Јајца со машнички
Машничките секогаш се добар избро за декорирање, па зошто да не ги употребите и за велигденските јајца? Постапката е многу едноставна: Земете украсна лента и само заврзете ја околу јајцето. Изберете некои весели бои кои ќе ви го зголемат расположението.
Сребрени јајца
Со користење само обичен фломастер во сребрена боја, можете да направите јајца кои ќе изгледаат модерно и елегантно. Исцртете мали ситни точки, или пак комбинирајте ги со испрекинати линии. Инспирирајте се – постојат безброј можности!
Јајца со посебни ликови
Израдувајте ги вашите најмали и подгответе им јајца со преслатки ликови. Ќе ви требаат само неколку фломастери за цртање на лицето и малку цвеќе или конец.
