Моден класик без кој не можеме – совршени идеи како да носиме ролки оваа сезона

Елегантно класично парче кое со доаѓањето на есента повторно суптилно се враќа на предните позиции во нашите плакари.

Од оние кои се долги и со малку поширок крој па се до тесните модели кои ја следат линијата на телото и ја истакнуваат неговата елеганција, ролките се едни од омилените парчиња на многу познати ИТ девојки во првите студени есенски денови. Во нив ќе ја поминеме зимата, без разлика дали станува збор за беж, сив или црн модел, и без разлика дали ќе изберете лежерни или класични варијанти. Покрај неутралните бои кои се типични за есенските и зимските месеци, оваа година можете да носите и впечатливи модели, а за поголем ефект изберете ги оние со карнери, истакнати ѕвонести ракави или плетените оверсајз модели. 

Тука се и новите, тренди ролки кои се поигруваат со класичниот крој, но и моделите во силни бои со акцент на најпопуларната боја за оваа сезона, црвената. Покрај нив во есенските колекции ќе пронајдете и прекрасни модели во силна зелена и сина боја.

Па отворете ја галеријата што следува и погледнете ги најубавите модели од најпознатите брендови во Македонија.