Идеална вечерна рутина за после напорниот работен ден

Иако по доаѓањето дома можеби ви е најслатко да легнете на креветот и да јадете некоја готова храна, сепак, тоа долгорочно гледано не е најдобра опција. Таквиот начин на живот нема да ви помогне да ги наполните батериите за следниот ден, да ја подигнете енергијата и да се чувствувате добро. Погледнете кои навики треба да ги внесете во вашето секојдневие, со цел наредиот ден да се чувствувате одлично.

Вечерајте лесна храна

Вечерата преполна со јаглехидрати повеќе ќе ве успие и неповолно ќе влијае на варењето. Со цел да не посегнете по сендвичот, наутро пред да заминете на работа направете салата богата со хранливи влакна и протеини, која ќе ве чека кога ќе пристигнете дома.

Книга наместо телевизор

Исклучете ги сите електронски уреди околу себе, запалете миризливи свеќички и уживајте во добрата атмосфера. Освен што ќе се одморите од силната светлина на технологијата, автоматски ќе го збогатите својот вокабулар и ќе се опуштите.

Направете план за наредниот ден

Со цел да го избегнете утринскиот стрес, пред спиење запишете си ги сите обврски кои мора да ги извршите, но не заборавајте да додадете и нешто што ве прави среќни и ве расположува.