Една од најпознатите турски актерки заврши во болница.
Мерјем Узерли која што се прослави со улогата на Хурем во серијата Сулејман величествениот пред неколку дена требаше да присуствува на еден филмски фестивал во Адана. Но бидејќи и се слошило пред да полета со авионот, таа беше однесена во болница, раскажува нејзин пријател.
Тој за турските медиуми изјави дека актерката поради исцрпеност имала проблеми со здравјето.
„Последните неколку месеци постојано е во движење. Поради тоа е исцрпена. Беше во Германија, Франција, Америка… се појавува на бројни фестивали и секаде е една од најприфатените гостинки. Но не може да сфати дека и е потребен одмор. Затоа и докторите ја предупредија да води грижа за себе бидејќи во спротивно може да го загрози здравјето“, изјави пријателот.
Познатата актерка со порцелански тен и големи сини очи неодамна ги изненади своите пријатели и со промената на својот изглед. Таа тогаш се најде на удар на критичарите кои и замерија дека со пластични операции си го уништила лицето, но откако објави фотографии на кои е без грам шминка ги замолчи сите. Таа и денес поради својот изглед е во центарот на вниманието каде и да се појави и се уште важи за една од омилените турски актерки.
