Хуманост на дело – Битолчани спасија кутре паднато во Драгор (Фото)
Во Битола повторно заблеска духот на солидарноста. Група граѓани, без трошка двоумење, влегле во водите на реката Драгор за да извадат мало кутре кое се нашло во опасност, информира страницата „Бабам Битола“.
Според објавата, сведоците на настанот не размислувале ни секунда кога го виделе беспомошното животно во реката. Со брза реакција успеале да го извлечат и да го донесат на сигурно, иако водата била студена и надојдена.
„Не му беше ни ладно, ни шубе дека ќе се напрат жива вода. Битолчани ја покажаа својата човечност“, стои во нивниот статус.
Идентитетот на спасувачите засега не е познат, но администраторите на страницата ги охрабруваат сите кои ги препознаваат да се јават, со цел да им се оддаде заслужено признание.
Овој мал херојски чин е уште еден доказ за сплотеноста на битолската заедница и нејзината подготвеност да помогне кога е загрозен живот, без разлика дали е човечки или животински.
