Хрватската музичка сцена во црно – почина легендарната Габи Новак
Почина на 89 годишна возраст. Во јуни годинава почина и нејзиниот син кој ги наследи мајка си и таткото - Арсен Дедиќ во музичката генијалност.
Хрватската музичка сцена е завиена во црно по трагичната вест за смртта на Габи Новак, една од најистакнатите пејачки на поп и џез музика во регионот.
Родена на 8 јули 1936 година во Берлин, Габи кариерата ја започна кон крајот на 1950-тите години и брзо стана препознатливо име на југословенската музичка сцена. Нејзината емотивна интерпретација и уникатниот глас оставија длабок белег во историјата на музиката.
Габи беше во брак со познатиот кантавтор Арсен Дедиќ, со кого заедно создадоа бројни музички класици и го делеа и животот и сцената. Нивниот син, исто така признат џез пијанист, Матија Дедиќ, го продолжи музичкиот род, пред неговата прерана смрт во јуни 2025 година.
За време на својата богата кариера, Габи Новак освои бројни награди, вклучувајќи ја и наградата за животно дело.
Нејзините албуми и настапи во живо беа познати по исклучителната емоционална сила и уметничка автентичност.
Почина на 89 години, оставајќи незаборавен белег на музичката сцена и во срцата на публиката низ поранешна Југославија.
