Холивуд во сенка на Балканот: Сегал се поклони пред споменикот на Бата
Познатиот холивудски актер и мајстор на боречки вештини, Стивен Сегал, повторно престојува во Србија, каде што се снима неговиот нов филм „Order of the Dragon“, под режисерска палка на Вјекослав Катушин.
Во паузите од снимањето, Сегал го искористи времето за да ја запознае Србија, посетувајќи повеќе градови и културно-историски локации. Посебно внимание предизвика неговата посета на Сопот, каде што го посети Центарот за култура и положи почит пред споменикот на великанот на српскиот филм, Велимир Бата Живоиновиќ.
Фотографијата на која Сегал позира покрај споменикот беше објавена на Инстаграм страницата посветена на Бата Живоиновиќ, по што следуваа бројни позитивни коментари и реакции од јавноста и обожавателите.
Покрај Сопот, актерот престојувал и во Врњачка Бања, една од најпознатите туристички дестинации во Србија, позната по своите лековити извори и природна убавина.
Снимањето на филмот „Order of the Dragon“ продолжува во Белград, а се очекува проектот да привлече значително внимание како во регионалната, така и во меѓународната филмска јавност.
View this post on Instagram
