Костим за капење кој е хит на Инстаграм
Едноделните модели во црвена бој не вратија во златното време на популарната серија Baywatch, карнерите не потсетија на романтичните униформи за годишен одмор, а едноставните бикини во неутрални бои повторно се покажаа како совршен класичен избор. Но помеѓу популарните трендови за оваа сезона се вратија и ретро моделите, а костимот за капење кој својата ретро силуета ја спои со извезен цветен дезен на темносина позадина дефинитивно е еден од оние кои ќе го имаат главниот збор оваа летна сезона.
Моделот го потпишува дизајнерката Стела Макартни, а неговата популарност ја потврдија и бројни блогерки. Па така Луси Вилијамс, ИТ Британка со непогрешен моден израз, овој модел го носеше со едноставни папучи во кафеава нијанса, Рејбан очила за сонце, а преку него носеше прозрачна кошула од лен со долги ракави и создаде моќна комбинација.
Од друга страна пак, Британи од блогот Thrifts and Threads истиот костим за капење го носеше во малку погламурозен изглед. Таа го носеше во комбинација со очила за сонце од Givenchy и марама врзана околу главата со која изгледаше фантастично додека уживаше на јахта.
Модерен и гламурозен look постигна и дизајнерката на чевли Халеј Бојд која со едноставни модни додатоци во бела и беж нијанса ја нагласи неговата ретро силуета.
Комбинацијата е инспирирана од винтиџ модата, а минималистичките сандали од Marais дополнително го подигнаа целиот изглед.
Па, дали ви се допаѓа овој модел?
