Хемотерапијата е завршена, но борбата продолжува – славната манекенка отворено зборува за ракот и вели „научив да бидам благодарна, тоа што не ме уби ме научи да го сакам животот“
„Дијагнозата се чинеше како смртна казна, бев на хемотерапија до 27 јануари - но, на мое изненадување, токму во овој период се чувствував поживо од кога било. Повеќе не го земам животот здраво за готово и научив да бидам благодарна. Сè што ми се случи беше благослов. Беше тешко, и патувањето сè уште не е завршено, но јас не би менувала ништо“ - искрено зборува убавицата од светските модни писти и рекламни кампањи, Бјанка Балти.
На почетокот на февруари 2025 година, познатата манекенка од светски глас Бјанка Балти објави нова серија фотографии на својот профил на социјалните мрежи.
Во 2022 година, италијанската убавица беше подложена на двојна мастектомија поради висок ризик од развој на рак на дојка – ракот на дојка ги погоди и нејзината мајка и тетка, но во 2024 година на Балти и беше дијагностициран рак на јајниците во трета фаза.
На Светскиот ден на ракот (4 февруари), модното дуо Долче и Габана решија на своите следбеници да им ја раскажат искрената приказна за нејзината борба против тешката болест. Таа пак, го покажала првиот и последниот ден од хемотерапијата и опиша колку ѝ бил тежок третманот.
Таа на почетокот објасни дека „ракот не можеше да се всели во моите мисли, а камоли во моето тело“ и покрај фактот што тетка ѝ починала од рак со метастази на дојка на 39-годишна возраст, а мајка ѝ се борела со миелом пред неколку години, како и покрај што на неа самата ѝ бил дијагностициран ген BRCA1 во 2021 година, што довело до превентивна двојна мастектомија во декември (2022 година).
На 27 јануари 2025 година, убавицата беше подложена на последниот третман со хемотерапија, поради што „повеќе не го сфаќам својот живот здраво за готово“ и сè околу неа изгледало како „вистински благослов“.
Сепак, болеста сè уште не исчезнала. Балти не сподели детали за можната ремисија, но напиша дека „имала тешко време и сè уште не е готово“.
Манекенката го покажала својот прв и последен ден на хемотерапија, како морала да ја избричи главата, а исто така вели дека не ја напуштила манекенската работа и покрај дијагнозата. На овој начин таа јасно стави на знаење колку е важно отворено да зборувате пред сите, бидејќи нејзината приказна за борбата против ракот може да стане пример за другите жени да не се откажуваат, дури и кога ќе мислат дека немаат сила.
„Бјанка, ти си мојот пример, бев на хемотерапија пред шест месеци и начинот на кој ти помина низ третманот, колку остана убава, ми стана пример за храброст. Кога се чувствував лошо, знаев дека не сум сам, дека наоколу има многу жени кои исто така се обидуваат да се опорават, а тоа ми помогна да не се откажам“, ѝ напиша една жена на Бјанка на социјалните мрежи.
„Болеста не е причина да не го живеете животот најдобро што можете“, напиша друга жена, која исто така, се бори против рак.
Но, често се случува сериозната дијагноза да стане причина за раскинување со саканиот човек, кој понекогаш не е подготвен да ја поддржи својата сакана во овој тежок период.
Бјанка Балти имала среќа – по два неуспешни брака го запознала Алесандро Кутрера кој цело време бил покрај неа додека се борела со ракот. Манекенката неодамна покажа како танцува со своите ќерки, а во некои од кадрите се појавува нејзиното момче.
@baltibianca Nobody loves us more than we love each other ❤️
„Манекенката со најсини очи“, како што ја нарекуваат италијанските новинари пишувајќи за неа, признава и дека болеста ја научила поакутно да го чувствува животот.
„Дијагнозата се чинеше како смртна казна, бев на хемотерапија до 27 јануари – но, на мое изненадување, токму во овој период се чувствував поживо од кога било. Повеќе не го земам животот здраво за готово и научив да бидам благодарна. Сè што ми се случи беше благослов. Беше тешко, и патувањето сè уште не е завршено, но јас не би менувала ништо. Велат дека она што не нè убива нè прави посилни. „Она што не ме уби ме научи да го сакам животот“, напиша манекенката на социјалните мрежи.
