Горги е меѓу загинатите во Кочани – братот на тапанарот на ДНК скршен од болка
Талентираниот млад музичар Горги Горгиев од Струмица го загуби животот во трагичниот пожар во дискотеката „Плус“ во Кочани. На Ѓорги му предувидуваа блескава кариера. Вчера настапил со ДНК на сцената кога се случила несреќата, за жал не успеал да се спси од огнените јазици. Трагичната вест официјално ја соопшти и неговиот брат Димитар.
– Окце мое почивај во мир ќе ми недостигаш – напишал на тажната објава братот на Горги.
Ѓорѓи ќе биде запаметен како млад и надежен музичар кој својата страст за музиката ја споделуваше со сите околу себе. Секогаш позитивен, насмеан и мотивиран да создаде нешто убаво, тој беше инспирација за многу млади таленти.
Градоначалникот на Струмица се прости со неговиот драг сограѓанин,
Ах бре убаво дете, сите списоци сите болници баравме за да те најдеме, само да ни кажат дека си тука…
Со неизмерна тага ја примив веста за трагичната загуба на нашиот сограѓанин, Горги Горгиев, кој го загуби својот живот во страшниот пожар во Кочани. Струмица загуби талентиран музичар, пријател и човек со големо срце, кој преку својата музика ширеше радост и емоции.
Во овие тешки моменти, моите мисли и молитви се со неговото семејство, најблиските и сите кои го познаваа и сакаа. Нека почива во мир, а неговата музика и споменот за него вечно да живеат во нашите срца.
Костадинов објави дека за нивниот ангел Горги и за сите прерано згаснати млади луѓе во оваа кобна несреќа ќе биде отворена книга ан жалост, а од овој момент ги поканува граѓаните на струмичкиот плоштад каде ќе се сплотат сите заедно за да ја споделат тагата. Еве повеќе детали што напиша Костадинов:
Нема зборови за утеха, само солзи и неизмерна тага…Тагуваме со мојата Струмица за нашиот струмички ангел Горги Горгиев, за прекинатата младост и неговите соништа…Од 14,30 часот градскиот плоштад во Струмица ќе биде местото каде што заедно ќе може ја споделуваме болката и тагата за нашиот ангел и сите млади луѓе кои ги загубија животите во дискотеката во Кочани, да се молиме за нивните души и за здравје на повредените.Утре од 8 часот во просториите на општинската зграда ќе биде отворена книга на жалост.
