Седмата генерација на Volkswagen-овиот Golf има многу доблести, но една од неговите маани е секако во недоволно големиот гепек…
Но, тој недостаток ќе го исправи караванската изведба кој од наредната недела ќе биде изложена на саемот за автомобили во Женева, а потоа оди во освојување на европскиот пазар!
Шпионските фотографи успеаја овие денови да уловат неколку фотки од новиот модел, скоро без никаква камуфлажа, за време на тестирањето во Германија. Само задните светла се покриени со налепници, како би се добил впечаток дека се работи за стара верзија.
Веднаш е видливо дека караванската изведба во предниот дел ја дели таканаречената styling hatch варијанта, од страна ситуацијата е поприлично поразлична, а за тоа, секако е заслужен огромниот гепек кој ќе ги задоволи и оние со најекстремни барања.
Што се однесува до механичко електронскиот дел на новиов караван од Golf; моторот ќе биде ист како и кај styling hatch верзијата и ќе вклучува 1.2 литарски TSI агрегат од 85, односно 140 КС, како и две верзии во дизел од 105 и 140 КС.
