Ги има во Mango и моментално се најбараните панталони на сезоната – ниска цена, а скап изглед

Панталоните со ефект на кожа и оваа есен/зима остануваат едни од најбараните модни парчиња. За среќа, неколку „маст хев“ модели најдовме во Манго (Mango), во колекцијата која е достапна во продавниците кај нас, а секаде во светот веќе се пробија меѓу најпродаваните модни парчиња.

Панталоните со кожен ефект се наметнаа како вистински зимски класик, а во последните недели од 2025 година нивната популарност расте повеќе од кога било.

Тоа го потврдува и листата на бестселери на Mango, каде што еден модел рамноправно стои покрај најпродаваните капути и јакни.

Станува збор за моментално најпродаваните панталони од есенско-зимската колекција 2025/2026. Тие освојуваат со својот кожен изглед, ултрапопуларната чоколадно-кафена нијанса (ги има и во други нијанси) и ретро крој што внесува доза на винтиџ естетика.

Моделот има средно висок струк, издолжен дизајн, со што ве прави повитки и посекси.

Изгледаат исклучително ефектно и совршено се вклопуваат во бројни зимски комбинации, па затоа и не изненадува што се меѓу најпосакуваните парчиња на прагот на зимата.

Од каде доаѓа трендот и зошто се враќа?

Трендот на панталони со кожен ефект има долга историја. Најмногу е поврзан со рок и бајкер модата, кога кожата била симбол на смелост, моќ и бунтовност. Подоцна, во 90-тите и раните 2000-ти, кожните панталони доживеаја повторен подем, особено во минималистичките модни колекции на европските брендови.

Последниве години, со порастот на свеста за одржлива мода, вештачката кожа стана попопуларна од кога било – визуелно моќна, но поетична и попристапна алтернатива.

Поради тоа, многу дизајнери ја интегрираа во современите линии, заменувајќи ги стеснетите модели со поопуштени, ретро кроеви и меки материјали.

Во сезоната есен/зима 2025/2026, кожениот ефект повторно е на врвот: се појавува на пистите, во уличната мода и во хај-стрит (high-street) колекциите, особено во нијанси како чоколадно-кафена, карамела и класична црна. Ова го прави трендот и модерен и нослив, идеален за дневни и вечерни комбинации.

Ако сакате овој модел да го додадете во вашата гардероба, цената е многу прифатлива – 2990 денари.