Мачките се своеглави себични суштества, но и толку слатки при што не можеме да им одолееме. Тие се едни од најчестите домашни миленици на луѓето ширум светот. Денес ви прикажуваме неколку знаци кои ви откриваат дали ве сака вашата мачка.
Предење
Мачките предат од многу причини -д задоволство до анксиознист. Но, обично кога го прават ова тие се среќни, а предењето им е средство за комуникација.
Тркалање по подот
Кога мачката се тркала по подот и лежи на грб, таа е во ранлива позиција. Тоа го прави само кога се чувствува сигурно. Сигурноста им е важна на сите животни, но на мачките посебно.
Гребење
Иако можеби ве нервира острото гребење на вашата мачка по мебелот, тоа всушност може да биде акт на љубов. Не лутете им се, тоа им е природен инстинкт.
Подарок за вас – нејзиниот улов
Не лутете ѝ се на вашата мачка ако во устата ви донесе глувче. Тоа всушност е подарок за вас, исто како што и луѓето ви го покажуваат своето внимание со подарок.
Кога ве лижнува
Мачките своите сопственици ги доживуваат како големи мачки. Па, ако ве лижнува, тоа значи дека ве гледа како дел од своето семејство и ве сака.
