Генијален трик за бујно и здраво цвеќе – со само една евтина намирница ќе добиете резултати од кои ќе се изненадите!
Постои едноставен, природен и неверојатно ефективен трик кој многу домаќинки го користат – и тоа со резултати кои ги надминуваат очекувањата.
За многу љубители на растенијата, грижата за собното цвеќе и цвеќето во градина не претставува само хоби туку и вистинска посветеност која бара време, внимание и, неретко, финансиски трошоци. Од специјализирани ѓубрива, преку заштитни средства од штетници, па сè до стимуланси за побрз раст – грижата за растенијата знае да биде скапа.
Но, постои едноставен, природен и неверојатно ефективен трик кој многу домаќинки го користат – и тоа со резултати кои ги надминуваат очекувањата.
Клучот лежи во една евтина и секојдневна намирница: свежиот пекарски квасец.
Оваа наизглед обична состојка е богат извор на витамин Б, кој инаку често се користи како активна компонента во индустриските средства за нега на растенија. Наместо скапи препарати, можете да го искористите токму квасецот за да создадете природен раствор што го поттикнува растот, ја зајакнува кореновата структура и ја зголемува отпорноста на растенијата.
Природно ѓубриво од квасец – подготовка и употреба
Потребни состојки:
10 грама свеж пекарски квасец
1 кафена лажичка шеќер
1 литар млака вода
Постапка:
Во млака вода растворете го квасецот, додадете го шеќерот и промешајте добро. Оставете ја смесата да стои барем два часа на собна температура. Потоа, истурете ја течноста во шише со прскалка или кантичка и употребете ја за полевање.
Користете ја на секои десет дена во текот на летото како и напролет, а во есен и зима двапати месечно.
Овој раствор може да се користи и за собни растенија и за оние во дворот или на терасата. Резултатите се дека лисјата стануваат повесели и позелени, цветовите се побујни, посветли и подолготрајни, а коренот се зајакнува додека растението станува поотпорно на временски промени и на штетници.
Доколку немате квасец, можете да ја искористите и кората од банана. Ставете ја преку ноќ во вода и потоа користете ја течноста за полевање. Таа е богата со калиум и магнезиум, кои исто така се важни за здравјето и растот на растенијата.
Овој едноставен, но ефикасен трик е идеален за оние кои сакаат природна грижа за своите растенија, без непотребно трошење и без хемикалии. Пробајте го и уверете се сами – вашето цвеќе ќе ви „заблагодари“ со раскошен изглед и долготрајно цветање.
