Филипче: На 19 октомври ќе ги направиме салата
Лидерот на СДСМ, Венко Филипче на митинг во општина Центар порача дека противниците на 19 октомври ќе ги „направат салата“.
„Горан не сакаше ништо за противниците, а јас ќе кажам само една работа. На 19-ти октомври ќе ги направи салата“, порача Филипче.
Обраќањето беше проследено со гласна смеа и аплауз од присутните.
Претседателот на Социјалдемократскиот сојуз на Македонија, д-р Венко Филипче на граѓанската трибина во општина Центар, го коментираше однесувањето на актуелната власт и посочи на негативната кампања која ја води против СДСМ. Според Филипче оваа кампања на ВМРО-ДПМНЕ од првиот ден на власт е одраз на нивната немоќ и неспособност.
„Сведоци сме на одвратна лажна и црна кампања против СДСМ која ја водат од првиот ден на власт. Оваа мизерна и ниска кампања на ВМРО-ДПМНЕ е одраз на нивната немоќ и неспобност. Но суштина е уште поболна, а тоа е дека тоа е кампања да се прикријат нивните лоши намери за иднината на оваа земја“, рече Филипче.
Тој додаде дека власт која води негативна кампања кон опозицијата, според него, не е само неспособна, туку и дека не се грижи за напредокот на државата, не сака дијалог и не сака компромиси.
