Е ова го чекавме – фармерки кои им стојат подеднакво добро и на крупните и на слабите девојки
Мислам дека сите ќе се согласите дека купувањето фармерки понекогаш знае да биде навистина напорно и досадна работа.
Постојано испробување на најразлични модели се додека не дојдете до моделот кој најмногу ласка на вашето тело. Но додека да се случи тоа, морате да ги поминете сите продавници од кои најчесто купувате и да пробате милион различни модели, односно да изгубите драгоцено време. Тоа добро го знае и Алексија Елкем и токму заради тој проблем го лансираше брендот „Miaou“, а првото парче што го претстави во јавноста сигурно ќе ги воодушеви сите жени. Во прашање е модел на фармерки кои стојат добро на сите девојки и на секоја фигура.
Моделот е со ретро крој и со еластин кој е идеален за жените со поголеми облини, но подеднакво добро стојат и на послабите дами. Овие шик skinny фармерки се продаваат по цена од 202 долари и се достапни со величини од 36 до 48.
Инаку, Алексија е ќерка на Сергеј Азрија, братот на Макс Азрија и сопственикот на модните брендови „Joie“, „Current/Elliott“ и „Equipment“. Таа одлучи да се впушти во сопствена модна авантура и го лансираше својот сопствен бренд „ Miaou“, а нејзиното прво парче сигурно ќе ги воодушеви жените ширум светот.
