Фарбање коса со кафе – да експериментираме додека сме дома
Фризерските салони не работат, а вие сакате да експериментирате со бојата на вашата коса. Со оваа природна фарба нема да се плашите дека ќе ја упропастите вашата коса, а е и многу едноставно и евтино.
Ова важи доколку сте црнокоси или имате темнокафеава нијанса. Пробајте го ова едноставно решение и освежете ја вашата коса со помош на црно кафе. Постапката е едноставна. Сварете го кафето како што вообичаено го варите кога го пиете. Во зависност од должината на косата, потребно ви е помеѓу 250 и 500 милилитри црн напиток.
Оставете го да се одлади. На 250 милилитри кафе додајте две лажички балсам и добро промешајте. Намачкајте ја косата до природната „фарба“ за коса, детално и полека, па оставете ја да постои околу 1 час, замотана во проѕирна фолија.
Потоа, исплакнете ја, без да додавате шампон. Ако сакате да добиете уште потемна нијанса, повторете ја постапката. Не плашете се, нема да ја оштетите вашата коса, затоа што не користите хемиски препарати.
Совет плус: Талогот од кафето можете да го искористите и како пилинг за лице. Треба само добро да го втриете на влажно лице и со кружни движења да правите масажа. Потоа исплакнете и нанесете хидратантен крем.
