Европската економија се соочува со голем број предизвици заради високите цени на енергијата кои силно влијаат на нејзината конкурентност.
Ова всушност е и еден од заклучоците од извештајот за европската конкурентност што за Комисијата го подготви поранешниот италијански премиер и претседател на Европската централна банка, Марио Драги.
И како што се вели во овој извештај, европскиот акционен план за достапна енергија ќе донесе заштеда од 45 милијарди евра во првата година, а до 2040 година заштедите ќе достигнат дури 260 милијарди, изјави комесарот за енергетика и домување Ден Јоргенсен.
И според Јоргенсен, на овој начин до 2040 година ќе се овозможи заштеда од над 200 евра по домаќинство во просек.
Фото: Гламур
И бидејќи европската економија се соочува со сериозни проблеми заради се повисоките цени на енергијата, Комисијата изработи акционен план за енергетска цена со прифатлива цена за да се исполнат трите цели што ги посочи како приоритет: намалување на цените на енергијата, прекинување на зависноста од руските фосилни горива и продолжување на напорите за декарбонизација преку инвестирање во обновливи извори на енергија.
Според изјавите на Јоргенсен за медиумите, во подготовка е план за целосно ослободување од зависноста од Русија кога се енергенсите во прашање, зависност која Европската унија значително ја намали во последните две-три години, односно од почетокот на војната во Украина.
– Можеме да кажеме дека е успех што ја намаливме количината на гас што го увезувавме од Русија од 2022 година на сегашните 13 проценти. Од друга страна, во тој период потрошивме повеќе пари за купување руски енергетски производи отколку што дадовме за помош на Украина – вели комесарот, пишува српскиот портал Блиц.рс.
„Ние индиректно помагаме да се наполни воениот ковчег на Путин, затоа треба да направиме повеќе за да станеме понезависни од руските фосилни горива“, вели Јоргенсен, но на прашањето како Европа може целосно да се ослободи од руските енергенси без да ги зголеми цените на граѓаните и економијата, комесарот вели дека не може да даде прецизен датум и дека наскоро ќе го претстави целосниот план како во најблиска иднина ќе се направи тоа.
