Крајот на ноември и почетокот на декември е време кога најмногу луѓе ги чувствуваат последиците од таканареченото сезонско пореметување, односно зимска депресија.
Таа е медицински признато пореметување во расположението, а бихејвиоралните истражувања потврдиле дека цвеќето има благотворно делување на нашето ментално здравје, затоа што го поттикнува чувството на среќа и задоволство, а влијае и на тоа како се однесуваат луѓето во одредени ситуации.
Затоа, канадската блогерка Клое Тејада советува домот да си го украсите со цвеќе на кое сега му е сезоната на цветање.
„Никогаш не сум била личност која чека некој да ѝ купи цвеќе, дури не ни посакувам да добивам цвеќе на подарок. Сепак, сакам во домот да имам цвеќиња и билки кои сама си ги одбирам за да ми го разубавуваат просторот и да прават да се чувствувам подобро“, вели Клое.
Затоа, дами, денес после работа купете си цвеќе. Не мора да биде некое раскошно и скапо. Доволно е да биде убав аранжман за кој нема да платите многу, но ќе ви помогне да се чувствувате подобро!
