Еве зошто ова ќе биде посебна вечер за Ромите од цела Македонија, но и од целиот свет (видео)
Вечерва Светскиот ромски бал по 45-ти пат во Скопје
Вечерва најинтересно ќе биде во Александар Палас
Нашиот главен град вечерва ќе биде домаќин на традиционалната ромска манифестација која на едно место собира многу ѕвезди.
Станува збор за Светскиот ромски бал кој ќе се одржи вечерва во хотелот Александар Палас во Скопје, а кој воедно преставува и еден вид платформа за промоција на ромската култура и музика.
Оваа културна манифестација ја започна Амди Бајрам во 1979 година и оваа година ќе се одржи по 45-ти пат.
По смртта на Амди Бајрам кој почина во октомври 2020 година и кој долги години беше политичар и претседател на политичката партија Сојуз на Ромите од Македонија, оваа културна манифестација продолжи да ја организира неговиот син, Габриел Бајрам, кој воедно со ова ја продолжува и мисијата на својот татко за зачувување и негување на ромската култура и традиција.
Една од најпознатите пејачки од регионот вечерва во Скопје, сите очекуваат луда забава
Па така покрај работилниците и предавањата за културата и традицијата на ромската заедница на овие простори, на овогодинешниот Светски ромски бал како главни ѕвезди на вечерта ќе настапат популарните пејачи Теа Таировиќ и Мухарем Сербезоски, потоа ќе има гостин од Грција, големиот Ставрос Пазаентисис, но и многу други изведувачи на традиционална ромска музика.
Подготовките за манифестацијата траат веќе неколку дена, а и оваа година ќе се случи и традиционалниот избор за најубава Ромка. Во вој натпревар ќе учествуваат Ромки од пет европски земји, а победничката, како и секоја година, ќе добие и богата награда.
Оние што биле досега на овој традиционален бал велат дека станува збор за една од најдобрите, но и најраскошните забави во Скопје.
На истиот присуствуваат и голем број политичари, но и личности од јавниот живот, па затоа и секогаш се бара влезница повеќе. Од сите овие причини и организаторите ги канат сите заинтересирани да присуствуваат и да ја поддржат оваа единствена и традиционална прослава на ромската култура и музика.
