Еве зошто не можете да ослабнете – 4 грешки што го уништуваат вашиот метаболизам и ве враќаат на почеток
Метаболизмот не е мистериозен непријател, туку процес кој реагира на вашите навики. Ако се препознавате во некоја од овие грешки, започнете со мали промени уште денес – и ќе забележите разлика не само во тежината, туку и во целокупната енергија и благосостојба.
Метаболизмот е клучен процес кој игра витална улога во одржувањето на енергијата, здравјето и телесната тежина. Разбирањето на неговото значење може да ви помогне подобро да се грижите за своето тело.
Иако генетиката и возраста имаат своја улога во брзината на метаболизмот, секојдневните навики се уште поважни.
Токму тие навики најчесто го „кочат“ процесот на слабеење, дури и кога мислите дека правите сè правилно.
Во продолжение се четирите најчести грешки што можат сериозно да го забават вашиот метаболизам – и да ви го отежнат слабеењето.
1. Јадете премалку калории
Мислите дека ако јадете помалку, побрзо ќе слабеете? Напротив. Кога внесувате премалку калории, телото влегува во „режим на преживување“.
Тоа значи дека забавува сè – од варењето до согорувањето на масти – и почнува да ја штеди секоја калорија што ќе ја внесете. Наместо да топи масти, телото станува поотпорно на слабеење. Препорачан минимум е од 1200 до 1400 калории дневно, прилагодено на вашата физичка активност.
2. Спиете премалку
Недостатокот од сон е директен непријател на здравиот метаболизам. Кога не спиете доволно, се нарушува рамнотежата на хормоните кои ја контролираат гладта – лептин и грелин. Резултатот? Зголемен апетит, чести грицки и зголемување на тежината.
Луѓето кои спијат помалку од 6 часа ноќе имаат значително повисок ризик од дебелина и метаболички нарушувања. Обидете се да спиете 7 до 9 часа секоја вечер.
3. Предолго седите
Долгото седење – на работа, во автомобил или пред телевизор – драматично ја намалува активноста на ензимите што ги разградуваат мастите.
Дури и ако тренирате еднаш дневно, ако остатокот од денот го поминувате седејќи, вашиот метаболизам страда. Решението? Станувајте и движете се на секои 30 минути. Неколку минути одење или истегнување може да направат голема разлика.
4. Прескокнувате оброци
Нередовното јадење или прескокнување оброци го збунува телото. Ако не знае кога ќе го добие следниот оброк, метаболизмот автоматски се забавува за да ја „заштити“ енергијата. Наместо тоа, јадете редовни и избалансирани оброци за да одржите стабилно ниво на шеќер во крвта и да го поддржите нормалното функционирање на телото.
Не го заборавајте и водниот баланс! Дехидрацијата го забавува метаболизмот и го отежнува согорувањето калории. Започнете го денот со чаша вода и пијте редовно во текот на целиот ден – особено пред оброци. Истражувањата покажуваат дека само една чаша вода пред јадење може да го забрза метаболизмот за краток период.
