Еве зошто Македонците одат на печалба во Хрватска – ќе се изненадите од овие бројки

Просечната месечна нето плата исплатена кај правни лица во Загреб за јуни оваа година изнесуваше 1633 евра, што е намалување од 1,2% во споредба со мај, но и зголемување од 8,2% во споредба со јуни минатата година.

Медијалната нето плата за јуни изнесуваше 1396 евра, што значи дека половина од вработените жители на Загреб имале помалку и половина повеќе од таа сума.

Најголеми разлики меѓу индустриите

Според податоците од Градската канцеларија за економија, одржливост на животната средина и стратешко планирање:

– највисоката просечна нето плата во јуни е исплатена во екстракцијата на сурова нафта и природен гас – 2.397 евра,

– додека најниската плата е забележана во производството на кожа и сродни производи – 959 евра, објавува Index.hr.

Загреб над хрватскиот просек

Во споредба со просечната месечна плата за јуни на хрватско ниво, која изнесуваше 1.444 евра, просечната нето плата во Загреб беше повисока за 189 евра.

Просечната месечна бруто плата по вработен кај правните лица во Загреб за јуни изнесуваше 2.332 евра, што е намалување од 1,3% во споредба со мај, но и зголемување од 8,5% во споредба со јуни 2023 година.

Просечната месечна исплатена бруто-плата по вработен во јуни 2025 година во Македонија изнесува 68 340 денари

Во јуни 2025 година, во однос на јуни 2024 година, просечната месечна исплатена бруто-плата по вработен е повисока за 8.5 %.

Ваквото зголемување се должи, пред сѐ, на зголемувањето на просечната месечна исплатена бруто-плата по вработен во секторите: Образование за 14.9 %, Дејности на здравствена и социјална заштита за 13.0 % и Рударство и вадење на камен за 12.3 %.

Намалување на просечната месечна исплатена бруто-плата по вработен, во однос на претходниот месец, е забележано во секторите: Финансиски дејности и дејности на осигурување за 8.2 %, Трговија на големо и трговија на мало; поправка на моторни возила и мотоцикли за 4.1 % и Транспорт и складирање за 2.0 %.